2014年12月29日 星期一

秋日限定之蟹粉盛宴@上海佬

 秋日限定之蟹粉盛宴@上海佬
早二日同朋友到灣仔杜老誌道的上海佬食飯,佢既位置介乎銅鑼灣與灣仔地鐵站之間,由地鐵站行去都要走10分鐘左右,坐車會比較方便。佢地位置係Red MR同一棟大廈來,一走進去我還以為行錯路。原來就是在一樓!
我原本以為去食上海菜,食中餐既地方味就係去酒樓LOL!點知今次真係好令我驚喜!
入口用黑色同紅色做主調,型中帶著濃濃的中國風!燈光比較暗,有點像西餐廳既氣氛,可以令人舒適既環境下進食但又唔會感到眼訓(見客一流)!而且又唔會似酒樓咁嘈吵!十分適合傾計!而裝飾都好有心思,我尤其是很喜歡那只小熊!很討人歡喜!

 不時不食!我一心想來食蟹粉盛宴的!但朋友當中有人係蟹有敏感。。。(下)好在原來是二位起計的,最後他們叫了沒有蟹的Tasting Menu,接下來我先介紹我們的蟹粉盛宴!一會兒會再介紹他們的!
在等待食物期間我們先品嚐燻蛋,流心的蛋黃滑不溜口,而且煙燻味濃得來又唔咸!勁香蛋味!一下子就滑進喉嚨內!
先來六小碟...其實都唔細碟...我地食極都食唔晒
 由左至右,上至下
鎮江餚肉,一D都唔肥,你可以配上陳醋一起吃,陳醋把餚肉的肉香帶了出來而且減低油膩感,令人不禁想咬多口!

陳醋雲耳,好爽口!酸酸地口感似沙律!不過我覺得可以再酸一點又或者加入小小辣會更精彩!

脆皮素鵝,腐皮包裹 冬菇、甘筍及芹菜等配料,好JUICY!但腐皮卻十分脆口及鬆化。
醉雞,未吃離遠已經可以聞到一點酒味!一食之下不得了,雞件多肉而唔鞋口,連雞皮食都唔覺得肥!食完還想再食!


香烏荀,我開頭以為係青瓜!佢口感都似青瓜呀!咸咸地咁,好爽口,食多多都唔厭!
食完六小碟,就進入主菜啦!

蟹粉粉皮,蟹粉加上本身沒有食味的粉皮,簡直天衣無繨!粉皮中和左濃味既蟹粉,好完美!食到呢到,我有點兒擔心接下來的食物更精彩!因為我的文筆和肚子都應接不暇呢!
之後就係流沙金棗啦,金棗外層是杏仁,中間的蟹粉用墨魚膠包著之後一起炸!好香口!墨魚膠彈牙之餘,也不會炸得過火內裡的蟹粉流心除除流出來,好食到暈!BE CAREFUL。。。食果時要小心熱呀!真係超熱超多汁呀!但又唔捨得把它攤凍去食!人就係咁茅盾!

黃金白玉,是我最喜歡的一道!白玉即是豆腐,在它上面舖上厚厚的蟹粉。濃味的蟹粉沒有令豆腐失去豆香,反而好MATCH!令油油的蟹油變得香而不油膩!豆腐竟然可以變成如此貴氣的食物!我很驚喜!
最後一道的主菜是一口蟹粉千層麵,千層麵中間放入蟹粉,是一個好fusion既菜。視覺上和創意上我比第一佢!因為佢既擺放充滿美感!但可能佢外表太靚啦!我對佢有過度既期望!千層麵既味道有點淡!而且好軟,不似傳統的焗千層麵!不過識飲識食既我知道千層麵呢道菜絕不易做!我食過最好食的千層麵只係在意大利啦!其實味道都唔錯既!

點心是蟹粉青瓜棒。賣相似春卷!好得意呀!它是由青瓜及蟹肉放在春卷皮中一起炸香,旁邊有蟹粉蘸上青瓜棒同吃。
味道都唔錯!我想像如果用來配多士會更好味呢!
好飽好飽。。。薑茶隨之奉上,不是一杯,而是源源不絕。。。食蟹實在好寒涼,飲番多D薑茶,對女士身體好有益呀!


要讚既係上海佬既服務真係好好,不斷幫我們倒茶,不用自己倒!其實有時我都好怕請客人食中菜的!我不是一個細心既人!有時候為客人添茶,一方面怕待慢了,另一方面又怕不小心倒潟到成個枱面都濕晒!如果見客,把文件倒潟就大獲了!連食既心情都沒有!我更怕遇上飲二啖茶又為我加水的熱情朋友!唉,太煩人了,令朋友不能好好享受一餐!但呢度既侍應會為你添茶,令你可以好好和朋友談心和享受美食!
甜品是薑汁奶凍,好香好滑!如果薑汁再濃一點就更好啦!
等我再補上朋友的TASTING MENU精華。。。我決心下次再來試過!

四小碟

上海佬鍋巴,呢個我都有食,十分香口濃味!尤其是鍋巴,夠脆!

梅子骨

賽旁蟹
芝麻湯圓

完美既一餐就結束啦!人人都捧住個大肚腩和愉快既心情離開啦!突然我地又發現原來上海佬還有做點心放題!才$108一位!我地打算星期日去食過啦KAKA!
後記
在細心既上海佬享用以上菜式每人$498,六款前菜任選一款!老實來說這個價錢不便宜但很值得!食材好,環境又舒適!我覺得十分適合情侶和招呼外國客人來!預早一天訂座,凡四位或以上即可獲贈花雕酒乙瓶,如果你真係好想拆蟹!你亦可以預訂大閘蟹(六兩),詳情請致電3125-3232查詢。
多謝公關小姐熱情的款待


 免責聲明: 
是次產品/產品資料由 品牌 提供, 本文章所發表的全部內容均屬個人意見及感受,並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。
多謝收看
其他平台
contact me :dididilam@yahoo.com
FB專頁:https://www.facebook.com/didilamblog
instagram: didilamblog
請多多支持

沒有留言:

張貼留言