別緻牛油果玫瑰花@Barista by Givrés

 

放假一個人到中環大館參觀，

之後搭中環半山扶手電梯去到士丹頓街，去到蘇豪區附近，便見到這間特式cafe

門口的畫真係好靚，有些遊人在拍照打卡

我也行到攰便順便入去坐低飲杯咖啡食點東西。

其實入面都好別致，

我找了近窗的位置坐下，望住出面營營役役的路人，

和我平靜的心情形成一大對比

這裡有提供各款輕食和All Day Breakfast，Gelato，  和手調咖啡

Rose Cold Brew $50 

Rose Cold Brew 即是玫瑰咖啡

淡淡嘅玫瑰味好清新，而香味沒有掩蓋咖啡本身的味道

而且沒有糖份，不會為身體增加負擔

Everything Toast $138

實在太美了嗎!簡直是一件藝術品，那牛油果花花是用刀一片片切出來的，非常花心思的一道

酸種多士上放了煙三文魚和Cream Cheese ，口感好豐富

而且又飽肚又有營養

牛油果軟滑適中

最後再點上玫瑰味Gelato，外型也是一朵玫瑰花，

玫瑰味好香，有外在美也有內在美~

特濃肉骨茶@阿金南洋茶室

約咗客戶喺附近開會之後和同事同進晚餐，位於一樓，地點非常易搵。

裝修光猛開揚，白色窗花裝飾，

好有東南亞風情。

服務員招呼我哋坐低之後自己掃 q r code下單。

價錢都係幾十蚊既事，晚餐連飲品都係$80左右。

以上項目均附送白飯及熱飲，凍飲加三蚊，又或者半價轉飲特飲或沙冰晚餐

泰式鹵水豬手煲配白飯

豬手好腍好入味，

豬手的皮好qq,爽口彈牙，

沒有油膩感

一字骨肉骨茶配白飯

肉骨茶好濃郁，帶有淡淡藥材的香氣，

秋涼時間飲上一口，

零舍覺得好滋補

炸蝦餅撈檬粉58

抵食之選，蝦餅大大件放在面頭，彈牙又脆口

檬粉入面有大量嘅青瓜紅蘿蔔絲再加上特制魚露酸酸甜甜好開胃

凍檸檬薏米水16

入面有大量嘅薏米口感爽口彈牙煙韌和檸檬嘅清新好合拍

甜品摩摩喳喳其實就係芋圓紅豆涼粉口感豐富你都唔係太甜為呢一餐畫上完美句號

款式多又抵食@一鍋堂

 

一段時間冇打邊爐!趁天氣涼涼地，和同事一齊去旺角一鍋堂打邊爐!

我哋準時七點去到餐廳，門口約莫企咗百幾人，好彩我哋之前先預定位置!店員臨危不亂地，招呼我哋入去，仲好有禮貌

敬業與樂業精神，真心佩服!

雖然人多但座位亦都好闊落

門口對出位置是飲品和菜蔬區

對面亦都有

少量熟食

飲品款選擇非常之多，除一般紙包罐裝汽水之外，仲有一鍋堂特製嘅茶類!

最為推介嘅係薄荷烏龍茶同埋冰糖燉檸檬味道淡淡的不會令非常解暑人

QRcode下單要乜自己想下單食物隨即上枱!

喺呢度打邊爐最推介嘅就係牛肉!我哋叫咗個B set，用餐時間120分鐘落單時間

我哋點了鴛鴦鍋底，麻辣湯同埋最新既蕃茄羅勒湯!原來係金寶湯合作嘅新湯底!味道都唔錯!尤其是用來淥菜食味道非常清新!而且個口感有一啲似西湯嘅幼滑感覺，令食物更為濃香

我哋點嘅B餐可以點封門柳同埋美國安格斯牛肉

封門柳真係好好食!食落去有啲似黑毛豬嘅感覺，雖然佢係牛肉，但係非常之香，而且係任點任食!呀要十碟嚟十碟!

會安格斯當然好食，肥瘦均稱，不肥也不太守

至於羊肉就見仁見智，朋友好喜歡!我就一般~怕羶的朋友建議叫一碟輕嚐!

另外要推介嘅係必點花膠!好厚!索盡湯底嘅濃香

黑松露墨魚丸彈牙又有充滿黑松露香味

另外呢度啲蝦都好抵讚!上桌嘅時間仲係生嘅

仲有好多魚類，例如生魚片和魚雲

每一次嘅份量都非常之大碟!我心諗咁樣做生意會唔會蝕本呢!!!

原本我都諗住食番杯雪糕先走但實在係太飽留返下次再嚟過啦