上個星期日同家姐出尖沙咀睇戲, 之後搵地方食嘢,經過O'delice見到門口放住咗個 brunch 早午餐menu ,非常吸引!見人唔太多 價錢又相宜, 就入去試下。
入面嘅裝修別緻 ,傢俬用上了現代風裝飾 ,再掛住幾張巴黎嘅相片, 令餐廳加添了分法國 風情 !我哋被安排坐喺窗邊嘅位置,日光底下 餐廳燈光零舍舒服 ,影相打卡都好靚
我哋點咗班尼迪克碗 Benedict bowl$160
入面食材十分豐富 ,包括油燒茄子,煙燻茄子蓉,牛油果,車厘茄,溫泉蛋,布里歐修麵包和三文魚
色彩繽紛看起來,令人心情愉快 !份量亦十分之大方 !放了三大件煙三文魚 ,將三文魚摺成一朵朵玫瑰花,賞心悅目
布里歐修麵包配芝士,在半溶嘅狀態搭上放了一隻溫泉蛋 ,再上面淋上新鮮打成的荷蘭醬汁
半隻龍蝦炒蛋$258
布里歐修麵包稍為焙熱和脆,上面放上大量的牛油果蓉和龍蝦肉,再加上新鮮炒的黑松露炒蛋
用上醋和香草調味,既開胃又輕怡
香蕉船可麗餅$98即叫即製,那暖暖的可麗餅充滿蛋香
入面放了士多啤梨和雲呢拿雪糕,上面加了焦糖花生和焦糖醬,擺盤也別緻可人
另外要推介的是牛油果香蕉燕麥沙冰,口感棉密,味道清新!牛油果是superfood, 而且有飽肚感,是健康人士之選!
至於另一杯是椰香咖啡沙冰 ,口感似smoothly, 滿滿嘅椰香味加上咖啡嘅香味 ,香甜滿足嘅一杯!
