必食黃咖哩法包軟殼蟹@小曼谷南角道

小曼谷南角道就在地鐵站一出嘅位置，晚上七點到達餐廳時，已經出現少少人龍，人多去食還是早一點去食比較方便。位和位之間都有足夠空間招呼都好好

一坐低英文就畀咗個q r code我哋電子落單,不經人手。食物非常快速送上

泰式沙爹串燒牛肉$17蚊/串

串燒係呢度最熱門既野食！即叫即燒

燒牛肉口感好腍，佢既精華所在，係佢個沙嗲汁！真係令人回味無窮！牛肉用上好部位，唔會被肥或太瘦

而且沒有加上任何辣椒或者黑椒，小朋友都可以食，好開心！伴碟嘅咖哩沙爹汁花生味濃郁而且口感幼滑

仙芒蟹肉炒飯$93

每一啖都食到有蟹肉，嘅入面仲有大量嘅芒果肉！芒果同蟹肉相輝映

芒果肉甜甜酸酸更加開胃,再加咗啲蛋絲去炒，口感軟硬適中！唔會太淋或者太濕，炒飯來講我真心覺得係上佳之選

黃咖哩法包軟殼蟹$168

雖然係叫做黃咖哩，但係一啲辣味都冇！小朋友都食得！農夫包入面放滿足料濃香濃咖哩汁口感好滑

，加入咗蛋漿口感滑溜，簡直就係呢啲全部精華所在！至於軟殼蟹係再炸到外脆內軟同時亦都能夠沾滿整只都係咖哩汁！呢個餸都幾大份！係絕對飽肚，價錢亦都好街坊

食到飽飽滿人除番起都係百零蚊位

泰式煲仔翅加98蚊就有一份，見到隔離桌叫，睇落幾正咁，但我地太飽了，留番下次啦~

日式華麗CAFE@SEAN

自疫情之後好耐無去日本啦!無得去旅行，放假自然會想食好啲去減下壓!平衡番平時緊張嘅心情!

早排喺IG上面見到有人POST左SEAN CAFE既相，成間粉紅色咁，好吸引!趁和姐妹食飯，就去呢間cafe試下!

門口放滿櫻花裝飾而且報是極道華麗充滿日式風情，聖旦就到了，他們家也放了不少聖誕節裝飾

非常有禮貌嘅店員安排我哋坐近門口嘅華麗梳化凳

另一邊廂就係吧臺，都係好靚㗎

真係好好坐

蜜汁醬燒德國豬手$148 

即叫即整上枱嘅時候仲係熱辣辣嘅

中間嗰片豬手肉已經去咗骨，懶人至愛!味道甜甜地，有啲似叉燒!中間嗰塊肉真係好厚好厚

面頭嗰塊紫薯包，雖然沒有紫薯嘅味道，但係睇落真係好靚仔!打卡一流!

薯條係好熱氣，但香口好食嘅嘢點會浪費呀!

唯有食完飯呀飲返啲涼茶啦

香煎肉眼扒配燒汁$238

擺盤好用心，

香煎肉眼扒配上燒汁薯蓉雜菜

肥瘦適中唔會太瘦或者太肥，份量都唔少，肉眼扒厚薄適中

下面放了啲薯蓉，上面再淋上醬汁，和椰菜混合埋一齊竟然非常之好食又好睇!

美美的一餐

 

華麗優閒又美味的下午茶@Glasshouse

契女最鍾意就食埋啲港女TEA SET，

早幾日同佢去完太古城shopping，經我好鍾意嘅餐廳Glasshouse最近推出咗下午茶套餐

一層三層高嘅點心$298兩個人，一共有16款食物

太古既裝修真係好靚

空間感十足

咗下午茶套餐一SET有三層高嘅點心!

有鹹又有甜，而且好精美又飽肚

至於飲品方面我哋就叫咗lemongrass tonic Coffee特色咖啡香茅湯力咖啡

咖啡和香茅味道在一個平衡之上，兩種強烈味道的東西混合一齊味道竟然令人驚喜

草莓玫瑰花茶，個茶壺好特別，可以分成上下兩PART~

草莓玫瑰花好香甜，雖然我沒有再加入任何的糖，但已經非常之好飲。飲完之後還可以再叫職員為你加熱水，沖了幾轉仍很香甜

傳統食法又上面食到落去下面嗰層

最上一層八珍甜醋燴啤梨，三文魚子牛油果米紙卷和吞拿魚他他

中間嗰層都係鹹點包括有

迷你龍蝦蝦漢堡，香松露豬肉餃子，巴馬火腿布拉塔芝士多士，酸甜棒棒蝦，

巴馬火腿布拉塔芝士多士足料到不得之了，用上上等的巴馬火腿，那油香令人回味無窮

至於最底層係蛋糕同甜品

黑朱古力蘭姆酒蛋糕，芒果慕絲蛋糕，朱古力布朗尼，藍莓芝士餅，焦糖果仁蛋糕，藍莓芝士餅，芒果布甸，法式馬卡龍

一次過可以食盡不用口味的蛋糕，各具特色!

我最喜歡是芒果布甸，加入了花奶而且芒果好香甜fresh!好清爽!

契女食得好滿足，影相影到手軟

門口有好多吸引既CAKE，食完可以順便買點和家人回去分享

令人驚喜@ I leisure

令人驚喜@ I leisure

早陣子見到朋友喺ig post相，見到I leisure鳥籠設計嘅餐枱加上有標掟區超靚！趁著今日可以早收工同同事上去happy hour

I leisure位於尖沙咀商業大廈的樓上酒吧，一出𨋢門見到閃閃發光嘅門牌，已經感到呢一間會係非常之華麗嘅酒吧

餐廳部分位置裝修成蘢嘅設計，燈光柔和非常有氣氛！另外仲有間好靚既vip房，同埋室外吧檯嘅位置。但由於啱啱有私人聚會，所以就影唔到相啦

可以掟鏢一展身手~亦都有桌上遊戲

酒吧位置裝修佈滿各式各樣嘅美酒

坐喺嗰度可以睇住bar tender調酒嘅過程

食物方面，主打shake shake海鮮拼盤$558海鮮方面由店員幫我哋選擇

餐廳提供咗手套,店員上菜前會喺我哋面前搖下搖下個裝滿海鮮嘅袋！讓入面既醬汁均勻地包裹住海鮮，之後再展開口袋，把海鮮盛放喺枱上面

今日嘅推介有鮑魚，海蝦、元貝、龍蝦同青口。口味可以分辣同埋唔辣。如果你係食得辣嘅，真心推介點上大辣！真係好惹味！聞起上來似冬陰功味，面

食下來似沙嗲混合咗大量蒜蓉，真係好香口惹味

我最鍾意嘅就係貴妃蚌

鮑魚口感爽口彈牙，大蝦亦非常之大只！

不過對於我哋啲懶人嚟講,蝦嘅吸引力比其他海鮮較低,因為懶於自己剝殼

火焰雞翼$98呢個係打卡必點

店員會即席淋上酒精，再點火！燒雞翼果一下我哋不禁嘩咗一聲！因為實在太震撼呀

被火稍為燒過嘅雞翼皮脆肉嫩,表面嘅蜜糖有一點淡淡嘅焦香味，食落甜甜地非常易入口

特色龍蝦包$238

懶人必點！我哋啲懶人同事最欣賞就係呢一個龍蝦包！原隻波士頓龍蝦拆肉三文治,入面全部都係龍蝦肉！爽口彈牙！分量都非常之大方！伴碟嘅薯條食落仲係辣手嘅。龍蝦包一個女仔絕對食唔晒

厚到一個點

有外在美，也都有內在美！我冇諗過樓上酒吧竟然有如此高質嘅食物提供令人再三回味！