Xmas dinner @ Cafe Malacca

Xmas dinner @ Cafe Malacca

早陣子迪子和朋友們被遨到西環石塘咀盛貿飯店的馬來一菜館試菜順便預祝聖誕。好老實的我平時很少食馬拉野，如果唔係因為今次機會都唔知原來馬拉野係咁精彩既！

對於九龍人的我，好少到西環，搵餐廳時真係花多少少時間！

這酒店雖然屬於香格里拉酒店集團，但馬來一菜館餐廳以簡約為主，氣氛輕鬆，餐廳環境濶落，價錢還十分親民。好岩一家大細和朋友聚會呀！



我們先點上飲品，玫瑰特飲帶點淡淡玫瑰香的冰涼甜奶，味道和賣相都頗討好！薑汁拉茶薑味十足，飲完成個身暖晒！冬天ＢＥＳＴ　ＣＨＯＩＣＥ！柑桔檸蜜酸酸甜甜，飲完好開胃呀！

睇完個餐單之後覺得頭都大埋，最後由靚仔經理幫我地ＯＲＤＥＲ啦

沙嗲雞肉或牛肉串燒（以傳統馬來醬料醃製的烤雞肉／牛肉串配濃郁香甜的花生醬及飯糕）
呢味係我既最愛，牛肉好ＪＵＩＣＹ，好入味！（岩岩我妹妹又唔食得牛，我食晒ＫＡＫＡ）就萛唔落醬都好夠味！可以話係我人生中最好味既串燒！

肉骨茶，未飲已聞到好香的肉味, 配上了鮮嫩的肉排及脆卜卜的油炸鬼, 一飲就覺得同平時飲既唔同，我略嫌它沒有藥材的味而且沒有胡椒的香。但如果當佢係一碗湯水飲，味道總萛唔錯！加上白飯，食完成身暖晒！

星洲香辣烤魚
魚肉以星洲傳統辣醬調味，再以香蕉葉包住來烤！成只糭咁好精美！打開后裏面是壓扁了的魚肉，味道有小小辣加上香料充斥口腔，值得一試！


椰漿飯拼盤
椰漿飯拼盤，椰漿飯加上煎蛋和香辣炸雞，是星洲人的早餐之選，椰漿飯的“椰漿”我覺得可以再濃味Ｄ就好啦！香辣炸雞，多汁鮮嫩又惹味，加上ＳＡＵＣＥ食，風味更為惹味！


檳城炒貴刁，乾炒貴刁配以鮮蝦、臘腸、韭菜及芽菜，口味很豐富！加上細細碟又唔油膩，一下子就比我地ＫＯ了！


印尼沙律，以雞蛋及炸豆腐等製成的暖沙律，加入了花生汁，伴以蝦片來食。是健康之選！味道少少辣，好醒胃！
食完正餐，女士們第二個胃又要工作啦！

呢個咁有美感既係貓山皇榴蓮布甸，ＳＯＲＲＹ，我唔食榴槤的，但我聞到陣榴槤好強烈。。。而我Ｄ朋友又食得好津津有味咁


香蘭椰絲卷
綠色的班戟皮，包裹著棕櫚糖椰絲的班蘭薄餅，暖暖的，味道充滿了斑蘭和新鮮椰絲的香味，加上棕櫚糖，味道十分清甜！ＬＩＫＥ！

咖央多士，是塗上了班蘭味和椰醬的烤牛油多士，味道好，但如果搽厚Ｄ就會更好味啦！

清湯 。。。個名好似好清咁，但材料好豐富呀！味道是濃濃的桂圓味，而糖水內有蓮子、銀杏、洋薏米、蕃薯、大菜、珍珠西米、糖冬瓜、柿餅。。。最岩秋冬天食！好滋潤呀！呢個係我最喜歡既甜品！
食完臨尾見到周圍都佈置得好有聖誕氣氛，我地幾個朋友當然要影下杷留念啦！

如果聖誕諗唔到食咩慶祝，其實可以考慮下來馬來一菜館，又係酒店但經濟又好味！其實食咩都好，只要同鐘意既人一起，食咩都咁開心！



其他平台
http://hylam.theztyle.com
http://blog.she.com/hylam
http://blog.qooza.hk/hylam1
http://www.beautyexchange.com.hk/portal.php?mod=list&uid=112069
http://www.fnb.hk/blog/229767
http://www.ubeauty.com.hk/member_blog/didilam/
http://weshare.hk/hylam
http://blogs.elle.com.hk/hylam
http://www./?91572
contact me :dididilam@yahoo.com
請多多支持