四川風烤魚鍋@巧得鍋

    

我好鐘意食烤魚鍋，記得第一次係深圳食烤魚，惹味麻香湯底，加上外脆內嫩的烤魚簡直令人回味！不過香港烤魚做得好既地方唔多！

朋友帶路下去了觀塘巧得鍋，位置於觀塘的工業大廈中

餐廳主打火鍋，雞煲&烤魚煲都非常出名

朋友話佢地既鮑魚雞煲非常正，一煲入面勁多鮑魚咁話~不過要下次先再試了

調味料盤

前菜

巧得招牌烤魚鍋中辣$188

原來佢地既爐可以同時烤肉和火鍋，要讚既係呢度既抽風做得好好，完全無油煙味！

烤魚的美味關鍵，當然是一條靚魚。烤魚用上沙巴龍躉肉，肉質滑溜，魚味濃郁而沒有腥味；

外面魚皮被煎得金黃，又在鍋裏浸透了湯汁，魚肉又嫩又入味

湯底以辣椒、花椒、豆蔻、香葉、八角等香料熬製，非常惹味！食得辣的朋友必要點上大辣！達致四川直送的烤魚風味

點了一盤肉set~巧得一$248

安格斯牛小排

澳洲和牛

牛頸脊

牛柳粒

另外跟一份新鮮生菜

最推介的是安格斯牛小排, 牛小排取自牛前胸肋骨部位肉。肉質鮮美滑嫩、油脂比例&油花分布均勻

油脂非富豐富，分佈均勻，而且帶有極濃肉香，用生菜包住食有助減低油膩感

西瓜是贈送的，好清甜！為這餐畫上完美句號

抵食之選@亞金南洋茶室

早排入將軍澳探朋友，朋友帶路下去咗亞金南洋茶室食晚飯，食東南亞特色菜，茶餐廳價錢

既抵食又好食

一字骨肉骨茶配白飯$68

即叫即整，上枱時仲熱辣辣滾嘅

裏面放滿湯料，有大量嘅一字骨，雞腳...好滋補味道,濃郁但係藥材味唔會太過強烈

跟餐嘅仲有一條油炸鬼，都係即叫即炸，口感有啲似牛脷酥

炸蝦餅是跟餐的，呢個好優質！蝦餅外脆彈牙，用上鮮蝦肉打成，好香口

馬來咖哩牛腩油酥餅$66

咖哩牛腩可以選擇跟飯或者酥餅

我哋就揀咗跟油酥餅一份四件

牛腩分量極其大方，又淋又入味！味道一點也不辣，好辣怕辣嘅人士都可以安心食用

椰香沙冰$16

打卡一流，味道偏淡，不過不失

招牌海鮮喇沙參參 ，連炸蝦餅$105

，至於凍南洋奶茶跟餐加三蚊

呢個係必叫嘅！

湯底好濃香，味道一啲都唔辣，食材豐富！裏面有大量嘅配料，包括有蝦蛋蟹柳豆卜魷魚圈等

而且溫度仲好熱添！滲滲嘅意思係油麵同埋米粉各一半，三扒兩撥我地就食清光啦！人均計每人唔洗100蚊就食飽飽非常之抵食！

觀塘區優質泰菜@東羅泰館

觀塘區近年好多新建設，原本是一個舊區，陸續變得得充滿活力，也開了不少新餐廳。

我好鍾意食泰菜，最近凱匯開咗間新嘅泰國餐館，收工就同老公去試下

餐廳位於凱匯商場平台，裝修好有東南亞風情，空間感十足，一進門店員就為我哋安排座位

平時晏晝呢度都係座無虛設，我哋過咗八點半先入餐廳，先至稍為少啲

價錢方面屬於中價價錢，都係幾十蚊起標。

我哋就叫咗啲炒飯，同埋d小食

最推介就係呢一個巴東蟹肉炒飯泰烤炭烤雞肉串!

份量極其大方，而隨碟仲有兩串炭燒雞串

炒飯上面仲有一大匙蟹肉

口感粒粒分明口感乾身，呢個炒飯竟然炒出大排檔咁有鑊氣嘅水準

另外要推介嘅就係東羅手打蝦棒！

一份有兩件即叫即炸

我鍾意佢嗰個彈牙口感，皮脆多汁！而且裏面用上百分百鮮蝦，呢個極高質

椰汁沙冰，分量大大杯！有外貌亦都有內涵！味道就係我哋細個嗰陣時，街邊飲嘅椰汁味道又香又滑，好天然

泰式生蝦刺身酸辣青汁

有一份有六隻，相當之抵食。每一隻蝦都肥美大隻，爽口彈牙

加上廚師特製酸辣青汁，少少蒜片同辣椒令人食慾大增

東羅泰鹵豬手

份量同樣地大方，豬手皮肉&肥肉瘦肉分佈比例適中

豬手入口有即溶嘅感覺，感覺充滿骨膠原

泰式酸辣柚子沙律

我認為係一個最抵食嘅！去用上等嘅泰國柚，平時去超市買一個都要40幾蚊啦，加入咗特製嘅酸辣汁再混入了魚露嘅鮮香，好開胃！至於半碟嘅兩隻大蝦也令人回味

兩個人食到超飽，埋單唔使五百蚊！好食又抵食！

初嘗活捉海鮮火鍋@鍋卷鳴門

呢次真係一個非常難忘既火鍋放題餐！好玩又新鮮！可以食到親手即撈活海鮮！

餐廳裝修簡約，冷氣強勁，我們被安排坐在卡位，座位頗闊絡，桌的空間好夠，食放題夠位擺野也是好重要的一環！

店員比左個鐵桶我出去自己捉出面魚缸的海鮮

放題自助區各式食物

長腳蟹當然不是任食的，但所有海鮮都非常之生猛！見到都開心

首推鮑魚，用上上等的貨式，你問我是什麼品種我真的說不出，但絕對不是平日街市賣一百元五隻的那種平價大連鮑！鮑魚肉質超厚肉，而且差不多半只手咁大，稍為烚到甩殼即可以享用！味道鮮美，口感爽脆

今日在魚缸任捉的海鮮，包括特大花甲，花蜆，藍花蟹和大海蝦！活蹦蹦，真係罪過！所以要馬上放入湯底烚熟，趁新鮮把它食清光才能對得住這堆靚海鮮！

藍花蟹多肉又鮮甜，記得放落湯時要剪掉它身上面既繩和橡筋

另一亮點，生啤任飲！黑啤，白啤麥啤，想飲幾多都可以，絕對是回本項目之一！

火鍋牛肉有兩款，美國牛小排 和澳洲牛板腱 

個人喜歡美國牛小排 多一點，喜歡其肉質細緻，脂肪紋理分明，入口即溶

刺身也是任食的，我點了帶子、三文魚、馬刀貝、希靈魚、八爪魚、油甘魚和赤身甜蝦

油甘魚和赤身甜蝦是我最愛，油甘魚份量大方，夠厚！而赤身甜蝦好鮮甜爽口

熟食清酒煮蜆也很出色，味道清甜，重點是一點沙都沒有

其貌不揚的炸雞軟骨令人驚喜，非常香口惹味

雪糕也是回本菜之一

兩個人就食左咁多~

今次肥仔了！